Operativxeber.org

Mətanət Əfəndiyeva Tibbi Bərpa İnstitutundan çıxarılsa da, heç də az iz qoymayıb

admin — Mon, 06 Apr 2026 17:43:16 +0400

“Azərbaycan Elmi Tədqiqat Tibbi Bərpa İnstitutu” publik hüquqi şəxsi tərəfindən 2025-ci ildə keçirilmiş bəzi dövlət satınalmaları ətrafında araşdırma apardıq. Araşdırmalarda bağlanmış bəzi müqavilələrdə qanun pozuntularına yol verilməsinə şübhə yaradan bir sıra hallar məlum olmuşdur.

Dövlət satınalmalarının vahid internet portalına yerləşdirilmiş məlumatlara görə 24.10.2024-cü ildə Azərbaycan Elmi Tədqiqat Tibbi Bərpa İnstitutu tərəfindən 2025-ci il üzrə alınaçaq mal -materialların və xidmətlərin satınalma planları açıqlanmışdır.

Dövlət satınalmalarının vahid internet portalında dərc edilmiş məlumatlara görə Azərbaycan Elmi Tədqiqat Tibbi Bərpa İnstitutunun Satınalma Komissiyası 2025-ci ildə satınalma planlarına 29 lot üzrə alınaçaq mal -materiallar və xidmətlərin siyahısını daxil etmişdir. Lakin satınalmaların portalında bu satınalmaların bir çoxunun nəticələri açıqlanmamış, satınalmanın baş tutmamasının səbəbi, ləğvi səbəbi açıqlanmamışdır.

Qeyd edək ki, Azərbaycan Elmi Tədqiqat Tibbi Bərpa İnstitutu bir mənbədən satınalma metodu tətbiq etməklə kondisanerlərə və digər məişət avadanlıqlarına servis xidmətlərinin göstərilməsi üzrə “TECS-BAM” Məhdud Məsuliyyətli Cəmiyyəti ilə 14.07.2025-ci ildə 7.347.152 manat məbləğində satınalma müqaviləsi bağlamışdır.

Qeyd edək ki, “Dövlət satınalmaları haqqında” Qanunun 15.1 maddəsində göstərilir ki, məxfi məlumatlarla əlaqəli satınalmalar istisna olmaqla, bütün dövlət satınalmaları yalnız portal vasitəsilə həyata keçirilir.

Göründüyü kimi, Azərbaycan Elmi Tədqiqat Tibbi Bərpa İnstitutu kondisanerlərə və digər məişət avadanlıqlarına servis xidmətlərinin göstərilməsi kimi məxfi məlumatlarla aid olmayan xidmət növünü dövlət satınalmalarının portalı vasitəsilə deyil, bir mənbədən satınalma metodu tətbiq etməklə keçirmişdir.

Eyni zamanda sözügedən Qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur: satınalma predmeti yalnız hər hansı konkret təchizatçıda olduqda; satınalma predmetinin əvəzedicisi və alternativi olmadıqda; satınalma predmetinə təcili tələbat yarandıqda; təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə; satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.

Qanunun tələblərindən də göründüyü kimi, kondisanerlərə və digər məişət avadanlıqlarına servis xidmətlərinin satın alınması məxfi məlumatla əlaqəli satınalma hesab oluna bilməz. Həmçinin Elmi Tədqiqat Tibbi Bərpa İnstitutunun müqavilə bağladığı “TECS-BAM” MMC kondisanerlərə və digər məişət avadanlıqlarına servis xidmətlərinin göstərilməsi üzrə konkret təchizatçı deyil, sözügedən satınalma predmetinin əvəzedicisi və alternativi olan çoxsaylı şirkətlər mövcuddur.

Amma Elmi Tədqiqat Tibbi Bərpa İnstitutunun qalib seçdiyi “TECS-BAM” MMC-nin barəsində açıq mənbələrdə heç bir məlumat yoxdur. Bu da MMC-nin profilinin qeyri-müəyyən olduğunu deməyə əsaslar verir.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “TECS-BAM” (VÖEN: 2005402701) Məhdud Məsuliyyətli Cəmiyyətinin 15.01.2019-cu il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının, BAKI ŞƏHƏRİ, YASAMAL RAYONU, BƏSTİ BAĞIROVA, ev.12, qanuni təmsilçisi kimi isə Qurbanov Rauf Maarif oğlu qeyd olunub. MMC-nin təsisçisi və ilk qanuni təmsilçisi Məmmədov Bəşir Aşir oğlu olub.

Belə olan halda Azərbaycan Elmi Tədqiqat Tibbi Bərpa İnstitutunun satınalma prosedurunu bu şəkildə keçirməsi ciddi şübhələrə yol açır. Burada kondisanerlərə və digər məişət avadanlıqlarına servis xidmətlərinin göstərilməsinə 7 milyon manatdan çox dövlət vəsaitinin xərclənməsi şübhəli məqamlardandır. Bu xidmət üçün 7 milyon manatın sini şəkildə şişirdildiyi açı-aşkar görsənməkdədir.

Qeyd edək ki, Azərbaycan Elmi Tədqiqat Tibbi Bərpa İnstitutu “TECS-BAM” MMC ilə daha bir müqavilə də 30.06.2025-ci ildə bağlamışdır. “İl ərzində təmizlik, yuyulma avadanlıq və qazanxanaya texniki servis xidmətləri”nin satın alınması üzrə keçirilmiş bu kotirovka sorğusunun dəyəri 76.177,2 manat təşkil edib.

Şərtlər toplusuna görə MMC Elmi Tədqiqat Tibbi Bərpa İnstitutunda qazanxana termoslarına, nasos və esenjorlara, barometr və termometrlərə,isti su vintilləri və kələbəklərə və yanğından mühafizə şitinə texniki xidmət göstərməklə yanaşı, quru təmizlik vasitələri, dezinfeksiya məhlulları, təmizlik aksesuarlarının (əl alətləri) alınması işlərini həyata keçirməli olub.

Qeyd edək ki, bir neçə gün əvvəl Elmi Tədqiqat Tibbi Bərpa İnstitutunda kadr dəyi.ikliyi olub. Belə ki, Səhiyyə naziri Teymur Musayevin müvafiq əmri ilə Mətanət Əfəndiyeva sözügedən institutun direktoru vəzifəsindən azad edilib, yerinə direktor əvəzi, həmin səhiyyə müəssisənin baş həkimi Nurlana Vilayət qızı Əliyeva gətirilib. Xatırladaq ki, Mətanət Əfəndiyeva 2024-cü il yanvarın 22-də ETTBİ-yə direktor təyin olunmuşdu.

Xatırladaq ki, Mətanət Əfəndiyeva bir neçə ay əvvəl Elmi-Tədqiqat Tibbi Bərpa İnstitutunun həkimi – radiloq Ramin Abdullayevin iddiasına görə institutun direktorunun onun kompüterinə dinləmə cihazı yerləşdirməsi ilə bağlı göndəmə gəlmişdi. Həmçinin R.Abdullayev ETTBİ-nin direktoru Mətanət Əfəndiyevanın ondan tibbi sığortadan əldə olunan gəlirin yarısını tələb etdikdən sonra aralarında problem yarandığını bildirib: “Mən 2019-cu ildən bu institutda çalışıram. Ötən ilin avqustunda direktor Mətanət Əfəndiyeva mənə dedi ki, icbari tibbi sığortadan aldığım bonusların yarısını ona verim. Onun bu tələbindən imtina etdikdən sonra bildirdi ki, “sənin yerinə pul verib, işə düzəlmək istəyənlər çoxdur”.

Görsənən odur ki, Mətanət Əfəndiyeva həkimlərdən aldığı bonuslardan əlavə, institut tərəfindən keçirilmiş satınalmalardan da az bəhrələnməyib. Onun qısa müddətdən sonra vəzifəsindən azad edilməsində bu kimi amillər də rol oynaya bilər.

Aktualinfo.net

İçərişəhərdə yeraltı keçidlər “ticarət obyektinə” çevrilib – ictimai məkanlar kimlərin nəzarətindədir?

admin — Mon, 06 Apr 2026 17:09:26 +0400

Paytaxtın ən qədim və tarixi məkanlarından biri olan İçərişəhər ərazisində yerləşən yeraltı keçidlərin vəziyyəti ciddi narahatlıq doğurur. İddialara görə, bu keçidlər artıq öz əsas funksiyasını itirərək qeyri-rəsmi ticarət obyektlərinə çevrilib.

Məlumatlara əsasən, 7 saylı Xüsusi Təyinatlı Yol İdarəsinin rəhbəri Məhəmməd Musayev tərəfindən idarə olunan bəzi yeraltı keçidlərdə qanunvericiliyə zidd dəyişikliklər edilib. Belə ki, keçidlər daraldılıb, piyadaların hərəkəti üçün nəzərdə tutulan sahələr süni şəkildə məhdudlaşdırılıb.

Ən diqqət çəkən məqamlardan biri isə odur ki, keçid daxilində xidmət personalı – fəhlə və xadimələr üçün nəzərdə tutulmuş otaqların təyinatı dəyişdirilib. İddialara görə, həmin sahələrdən biri kitab mağazasına çevrilib və nəticədə işçilərin elementar istirahət və oturma şəraiti belə aradan qaldırılıb.

Bundan əlavə, keçidlərin bəzi hissələrinin “küçə ticarəti” üçün istifadə edildiyi, qeyri-rəsmi ödəniş mexanizmlərinin (“qara kassa”) mövcudluğu ilə bağlı iddialar da səsləndirilir. Bu isə həm dövlət büdcəsinə zərər, həm də ictimai nəzarətin zəifləməsi baxımından ciddi suallar doğurur.
Məsələdə adı hallanan digər şəxslər arasında Saleh Məmmədov, eləcə də Nazir Nehmetov və Sənan Quliyev kimi şəxslərin də olduğu iddia edilir.

Azərbaycan qanunvericiliyinə görə:
Yeraltı keçidlər ictimai istifadə üçündür və onların funksiyası dəyişdirilə bilməz;
Piyadaların təhlükəsiz hərəkəti məhdudlaşdırıla bilməz;
Dövlət əmlakının qeyri-qanuni kommersiya məqsədilə istifadəsi məsuliyyət yaradır.

Tarixi irsimiz olan İçərişəhərdə bu cür halların baş verməsi yalnız şəhərsalma baxımından deyil, həm də milli-mədəni dəyərlərimizə hörmətsizlik kimi qiymətləndirilir.

Aidiyyəti qurumlar – xüsusilə şəhər icra hakimiyyəti və nəzarət orqanları bu məsələni dərhal araşdırmalı, qanun pozuntularına hüquqi qiymət verilməlidir.

Bntv.az

Keşlədə kollektor üzərində tikilən evə Rafiq Quliyev "icazə" verib? - Yüzlərlə evə ziyan vuran günahkar kimdir?

admin — Mon, 06 Apr 2026 16:28:24 +0400

Ötən gün Nizami rayonu Keşlə qəsəbəsində yüzlərlə ev su altında qaldı. Səbəb Xətai rayonu, Rəşid Bağırov 36/12b ünvanında yerləşən kollektortorda yaranmış problem və onun aylardır həll edilməməsi idi.

Bizimesr.az bildirir ki, hadisə yerinə Bakı meri Eldar Əzizov və ADSEA rəhbəri Zaur Mikayılov gəlib və su altında qalan evləri xilas etmək üçün Xətai rayonu, Rəşid Bağırov 36/12b ünvanında kollektor üzərində inşa edilmiş evin sökülməsi barədə qərar verilib.

Məlum olub ki, bu ev kollektor xəttinin üzərində qanunsuz şəkildə tikilib. Tikilinin bünövrəsinin çökməsi nəticəsində kollektorun bir hissəsi tutulub və bu da Keşlə qəsəbəsi ərazisində yağış sularının axıdılmasına ciddi maneələr yaradıb. Nəticədə yüzlərlə ev və mənzil su altında qalıb, sakinlərə maddi və mənəvi ziyan dəyib.

Bütün bunların fonunda baş verəın bu hadisə ətrafında bir sıra suallar açıq qalır. Bu evin hansı dövrdə tikildiyi, kim tərəfindən və hansı icazələrlə inşa olunduğu hələ də dəqiq açıqlanmır.

Evin kollektor üzərində tikintisinə hansı qurumlar icazə verib? Xətai RİH başçısı Rafiq Quliyev bu evin tikintisindən xəbərdar olubmu? Keşlə qəsəbəsində, ümumiyyətlə Xətai rayonunda daha belə neçə ev tikilib və onların sənədləşməsi kimin razılığı ilə baş verib?

Eyni zamanda yaranmış vəziyyət Bakıda tikilən qanunsuz evlərin və obyektlərin sökülməsi üçün əsl tendensiya yaradıb. Amma bu hamısı deyil və bundan sonra rayon icra hakimiyyətlərinin nümayəndələri ilə ev sahibləri arasında qalmaqalların şahidi olacağıq.

Keşlə qəsəbəsi ərazisində kollektorla bağlı yaranan problem səbəbindən yüzlərlə mənzilə ziyan dəyib, insanlara ciddi maddi və mənəvi zərər vurulub. Hansısa rəsmi qurumların səhlənkarlığı üzündən yüzlərlə ev, mənzil yararsız hala düşüb. Bunun məsuliyyəti kimdədir?

Görəsən, Eldar Əzizov və Zaur Mikayılov araşdırıbmı ki, bu ev kollektorun üzərində niyə tikilib və kim buna icazə verib? Araşdırma aparılıbmı?

Bizimesr.az-ın araşdırmasına görə, Keşlədə faciəyə, yüzlərlə evin su altında qalmasına səbəb olan iki mərtəbəli ev Rafiq Quliyevin “icazəsi” ilə tikilib. Daha doğrusu, bu ev “makler evlər” statusuna aiddir və belə evlərin sayı kifayət qədərdir.

Maraqlıdır ki, 3 ay əvvəl təhlükə yaradan bu ev niyə vaxtında sökülmədi? Əgər bu tikili vaxtında aradan qaldırılsaydı, Keşlə qəsəbəsi ərazisində yüzlərlə ev su altında qalmazdı.

Daha bir məlumata görə, yaxın günlərdə Xətai RİH başçısı Rafiq Quliyev vəzifədən azad olunacaq.

Bizimesr.az

Təhsil adı altında qurulan sistem: Sumqayıt 23 nömrəli məktəbdə baş verənlər

admin — Mon, 06 Apr 2026 15:45:58 +0400

Sumqayıt şəhər 23 nömrəli tam orta məktəbdə baş verənlər artıq sadəcə bir təhsil problemi deyil — bu, sistemli saxtakarlıq, etik dəyərlərin aşınması və uşaqların gələcəyinin məqsədli şəkildə riskə atılması kimi qiymətləndirilməlidir. “Təhsil islahatı” adı altında təqdim edilən bu modelin arxasında isə ciddi qanun pozuntuları və idarəetmə böhranı dayanır.

Davamiyyət kağız üzərində, şagird isə başqa yerdə

Məktəbdə qurulduğu iddia edilən mexanizm açıq şəkildə qanunvericiliyin pozulmasıdır. Şagirdlərin adı rəsmi jurnallarda qeydiyyatda olsa da, onların faktiki olaraq aylarla məktəbdən kənarda – repetitor yanlarında və ya hazırlıq kurslarında olması artıq adi hal alıb.

İddialara görə, bu vəziyyət təsadüfi deyil — sistemli şəkildə davamiyyət “düzəldilir”, qayıblar silinir, dövlət sənədləri isə formal xarakter daşıyır. Bu isə təhsil müəssisəsinin mahiyyətini tamamilə şübhə altına alır.

Ən narahatedici məqamlardan biri isə məktəbdə formalaşdığı iddia edilən qeyri-rəsmi “şagird transferi” sistemidir.

Valideynlərdən 500-1000 AZN arası vəsait qarşılığında şagirdlərin məktəbə qəbul olunması ilə bağlı iddialar səslənir. Bu, artıq təhsil sahəsində korrupsiya elementlərinin mövcudluğuna işarə edir və vəzifə səlahiyyətlərindən sui-istifadə kimi qiymətləndirilə bilər.

Uşaqların Bakı marafonu: təhsil yox, tükənmə

Məktəb rəhbərliyinin “yüksək nəticə” göstərmək məqsədilə şagirdləri Bakıdakı bahalı repetitorlara yönləndirməsi isə ayrı bir problemdir.
Sumqayıt-Bakı arasında hər gün yol gedən uşaqlar fiziki və psixoloji yorğunluq yaşayır, nəticədə isə məktəbdaxili tədris prosesi faktiki olaraq sıradan çıxır. Təhsil məktəbdə yox, pullu hazırlıq sistemində cəmlənir — bu isə sosial ədalətsizliyi daha da dərinləşdirir.

Məktəbin təqdim etdiyi yüksək olimpiada nəticələrinin də reallığı əks etdirmədiyi iddia olunur. Bildirilir ki, bu uğurlar məktəbin öz şagirdlərinə deyil, kənardan cəlb olunan “hazır” nəticəli şagirdlərə əsaslanır.

Əgər bu iddialar təsdiqlənərsə, bu, təkcə məktəbin deyil, ümumilikdə təhsil statistikası sisteminin etibarlılığına ciddi zərbədir.

Ortaya çıxan suallar isə kifayət qədər ciddidir:

Məktəbdə faktiki davamiyyət niyə yoxlanılmır?

Rəsmi jurnallar ilə real vəziyyət arasında fərq kim tərəfindən ört-basdır edilir?

Valideynlərdən pul alınması ilə bağlı iddialar niyə araşdırılmır?

Təhsil keyfiyyəti niyə repetitor sisteminə ötürülüb?

Bu məsələlərin araşdırılması artıq təkcə etik yox, hüquqi məsuliyyət məsələsidir.

Sumqayıt 23 nömrəli məktəbdə baş verənlər tək bir təhsil müəssisəsinin problemi deyil — bu, nəzarətsizlik, məsuliyyətsizlik və saxta “uğur” yarışının nəticəsidir.

Əgər aidiyyəti qurumlar tərəfindən dərhal və obyektiv araşdırma aparılmasa, bu cür hallar digər məktəblər üçün də “nümunə”yə çevrilə bilər. Burada söhbət sadəcə qayda pozuntusundan getmir — burada bir nəslin gələcəyi risk altındadır.

Bakunews.az olaraq məsələni diqqətdə saxlayacağıq.

Bakunews.az

Keçmiş deputatdan adı milyardlıq yeyintidə hallanan Saleh Məmmədova ATMACA... - "Vədədir…"

admin — Mon, 06 Apr 2026 15:17:06 +0400

Adı yerli KİV-də külli miqdarda dövlət vəsaitini mənimsəmədə hallanan Azərbaycan Avtomobil Yolları Dövlət Agentliyinin sədri olmuş Saleh Məmmədov hələ də sosial şəbəkələrdə populyar ünvanını qorumaqdadır. Hər halda 1 milyard az pul deyil və Saleh Məmmədov da məhz bu qədər dövlət pulunu yeməkdə ittiham olunur...

Səslənən İddialara fərqli reaksiya verənlər var. Keçmiş deputat Etibar Əliyev də hadisəyə biganə qalmayıb. Özünün sosial şəbəkə hesabında sabiq AAYDA sədrinin fotosunu paylaşan Etibar Əliyev qeyd edir:

"Görəsən “Qurd Cəbrayıl” haradadır? Yəqin ki, Quran oxuyub, namaz qılmağa başlayar. Vədədir…"

DİA-AZ

Ziya Məmmədovun qalmaqallı qohumuna yüksək vəzifə VERİLDİ

admin — Mon, 06 Apr 2026 14:49:37 +0400

Xəbər verdiyimiz kimi, Zeynal Bayramlı TƏBİB-in icraçı direktoruna müşavir təyin olunub.

Zeynal Bayramlının keçmiş nəqliyyat naziri Ziya Məmmədovun yaxın qohumu olduğu bildirilir. Məlumata görə, Z.Bayramlının karyerası məhz Ziya Məmmədov nəqliyyat naziri təyin olunandan sonra yüksəlməyə başlayıb.

Açıq mənbələrdə yayılan iddialara görə, 2005-ci ildə müəmmalı şəkildə diplom əldə edən Bayramlı əvvəlcə Ucar rayon Qazıqumlaq xəstəxanasına baş həkim, iki sonra isə Ucar Mərkəzi Xəstəxanasına baş həkim vəzifəsinə təyin edilib. Z.bayramlı uzun illər Ucar Mərkəzi Xəstəxanasına rəhbərlik edib. Hətta tibb müəssisələrinin TƏBİB-in tabeliyinə keçməsindən sonra belə Z.Bayramlıya toxunulmayıb.

Onun kifayət qədər mənfi reputasiyaya məlik olduğu bildirilir. Baş həkim işlədiyi müddət ərzində mətbuatda Z.Bayramlının yeyintiyə, korrupsiyaya yol verməsi barədə kifayət qədər materiallar dərc olunub.

Qeyd edilir ki, onun dövründə bütün analizlərə qanunsuz olaraq qiymət müəyyən edilib, hətta 200 manata saxta bülletenlər satdığı da deyilirdi. Mətbuatda Zeynal Bayramlının mülklərinin siyahısı dəfələrlə dərc olunub.

Onun təkcə Bakı şəhərində 12 yerdə bahalı mənzillərinin olduğu qeyd edilir. Bakıda Ağ Şəhər ərazisində 550 000 manata ev, Novxanıdakı 600.000 manata bağ evi aldığı, Şamaxı, Quba, Göyçay və İsmayıllı rayonlarında villalar inşa etdirdiyi yazılır.

Yaşayış evlərindən əlavə Zeynal Bayramlının Bakı şəhərində 18 yerdə ticarət obyekti də var. Ata yurdu olan Ağsuda özünə açdığı xüsusi klinikanı Ucar rayon xəstəxanasına aid bir çox bahalı tibb avadanlıqları və digər əşyalarla doldurub. Zeynal Bayramlının avtomobil kolleksiyasında 12 ədəd bahalı maşın olduğu da mediada yayılıb.\\axar.az

Qazax-Tovuz Regional Təhsil İdarəsi “UNİKAMP” MMC ilə NƏ İŞLƏR ÇEVİRİR?.. - İcazə verin, şübhələnək...

admin — Mon, 06 Apr 2026 13:13:08 +0400

Azərbaycan Respublikasının Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi Qazax-Tovuz Regional Təhsil İdarəsi bir mənbədən satınalma metodu tətbiq etməklə binanın İcarəyə götürülməsi üzrə “UNİKAMP” Məhdud Məsuliyyətli Cəmiyyəti ilə 78.000 manat məbləğində satınalma müqaviləsi bağlayıb. Məlumat satınalmaların portalında 03.04.2026-cı ildə dərc edilib.

Qeyd edək ki, Məktəbəqədər və Ümumi Təhsil üzrə Dövlət Agentliyi Qazax-Tovuz Regional Təhsil İdarəsinin icarəyə götürdüyü bina Şəmkir rayonu Dəllər qəsəbəsində yerləşir. 2026-cı ilin aprel ayının 1-dən dekabrın 31-nə qədər olan 9 aylıq dövrü əhatə edən bu müqavilə, aylıq icarə haqqının təxminən 8.600 manatdan çox olduğunu göstərir ki, bu da region üçün kifayət qədər yüksək göstərici hesab oluna bilər.

Apardığımız araşdırma zamanı məlum oldi ki, “UNİKAMP” MMC Şəmkirdə Qazax-Tovuz Regional Təhsil İdarəsindən əlavə Şəmkir rayon Kimya-Biologiya Təmayüllü Liseyi ilə də 10.05.2024-cü ildə 60.000 manat dəyərində icarə müqaviləsi bağlayıb. Şəmkir rayon Kimya-Biologiya Təmayüllü Liseyi Şəmkir rayonu Dəllər şəhər tipli qəsəbəsi N.Nərimanov ev 3-də yerləşir. Liseyin direktoru Səməndər Həsənovdur.

Maraqlıdır, Bakı şəhərində qeydiyyatda olub, Şəmkirin Dəllər qəsəbəsində bina icarəyə verən kimdir?

Qeyd edək ki, “UNİKAMP” (VÖEN: 1701551681) Məhdud Məsuliyyətli Cəmiyyətinin 06.12.2013-cü il tarixdə Dövlət Vergi Xidmətinin Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 000 manat olan MMC-nin hüquqi ünvanının, BAKI ŞƏHƏRİ, SƏBAİL RAYONU, ZƏRİFƏ ƏLİYEVA, ev.55, m.23, qanuni təmsilçisi kimi isə Rəfiyev Adil Arif oğlu qeyd olunub.

Qeyd edək ki, “UNİKAMP” MMC-nin təsisçisi və ilk qanuni təmsilçisi Nuriyev Elşad Nuru oğlu olub. Daha sonra Quliyev İlkin Saleh oğlu, Əliyev Azər Aqil oğlu müxtəlif vaxtlarda MMC-nin qanuni təmsilçiləri olublar.

MMC-yə reyestrdən son dəfə verilmiş çıxarışın tarixi 03.06.2021-ci il göstərilir. Vergi ödəyicisi olaraq MMC hazırda passiv vəziyyətdədir.

Dövlət Vergi Xidmətinin məlumatlarından da göründüyü kimi “UNİKAMP” MMC-nin vergi ödəyicisi olaraq VÖEN-i passiv durumdadır.

Mətbuata açıqlamalarında İqtisadiyyat Nazirliyi yanında Dövlət Vergi Xidmətinin İqtisadi təhlil və uçota nəzarət Baş İdarəsinin rəis müavini Namiq Dərgahov bildirir ki, vergi ödəyicisinin eyniləşdirmə nömrəsi (VÖEN) hüquqi və ya fiziki şəxsin vergi ödəyicisi olduğunu təsdiq edən sənəddir. Vergi ödəyicilərinin uçotu onlara dövlət vergi orqanları tərəfindən verilmiş VÖEN əsasında aparılır. VÖEN aktiv və ya passiv ola bilər. Vergi ödəyicisi fəaliyyətini dayandırırsa, onun VÖEN-i passivləşdirilir. Aktiv VÖEN şəxsin vergi ödəyicisi kimi fəaliyyət göstərdiyinin və gəlir əldə etmək imkanının olduğunu, passiv VÖEN isə fəaliyyətini dayandırdığının və sahibkar kimi gəlir əldə etmədiyinin göstəricisidir.

Belə olan halda Qazax-Tovuz Regional Təhsil İdarəsi fəaliyyəti dayandırılmış hüquqi şəxsin, “UNİKAMP” MMC-nin vergidən yayınmasına şərait yaratmış olub.

Qeyd edək ki, Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi Qazax-Tovuz Regional Təhsil İdarəsinin müdiri Dadaşov Vüqar İsrəfil oğludur.

Vüqar Dadaşov 2005-ci ildə Bakı Dövlət universitetinin bakalavr səviyyəsini “Tarix” ixtisası üzrə bitirmişdir. 2016-cı ildən 2020-ci ilə qədər Neftçala şəhər 3 saylı tam orta məktəbində direktor vəzifəsində işləmişdir. 2020-ci ildə Neftçala Rayon Təhsil Şöbəsinə müdir təyin olunmuşdur. 2022-ci ilin may –avqust ayları ərzində Şirvan-Salyan Regional Təhsil İdarəsinin Neftçala rayonu üzrə Təhsil sektorunun müdiri vəzifəsində çalışmışdır.

Vüqar Dadaşov 2022-2023-cü illərdə Şirvan-Salyan Regional Təhsil İdarəsinin Neftçala rayonu üzrə Təhsil sektorunun müdiri, 2023-2024-cü illərdə Şirvan-Salyan Regional Təhsil İdarəsinin Tədrisin keyfiyyəti sektorunun müdiri işləyib. Daha sonra o, Şirvan-Salyan Regional Təhsil İdarəsinin müdiri vəzifəsini icra edib. 2025-ci ilin aprelindən Qazax-Tovuz Regional Təhsil İdarəsinin müdiri təyin edilib.

Göründüyü kimi Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi Qazax-Tovuz Regional Təhsil İdarəsi hansı məqsədlə icarəyə götürdüyü bəlli olmayan bir obyektin istifadəsinə Şəmkir rayonunda ayda 9 min manata yaxın dövlət vəsaiti ayırıb. Bu həddindən artıq şişirdilmiş bir rəqəmdir. Həm də vergi ödəyicisi olaraq VÖEN-i passiv durumda olan bir şirkətlə müqavilə bağlayıb. Bu şirkət nəinki satınalmada qalib olmalı, əslində dərhal kənarlaşdırılmalı idi. Amm göründüyü kimi Qazax-Tovuz Regional Təhsil İdarəsinin rəhbərliyi buna şərait yaradıb.Maraqlıdır, nəyin müqabilində.

Aktualinfo.net

7 ton əlvan metal yoxa çıxıb: Rəşad Borçiyevin işi araşdırılır

admin — Mon, 06 Apr 2026 12:33:41 +0400

7 ton əlvan metal yoxa çıxıb – baş mühəndis araşdırılır

Dövlət Su Ehtiyatları Agentliyinin baş idarəsində ciddi maliyyə pozuntusu ilə bağlı araşdırma aparılır.

Məlumata görə, qurumun Nəzarət Ölçü Cihazları strukturu üzrə dövlət inventarında olan 7 ton əlvan metalın yoxa çıxması faktı üzrə şübhələr yaranıb və məsələ hüquq-mühafizə orqanlarının diqqətinə çatdırılıb.

İddialara əsasən, sözügedən materiallar əvvəlcə rəsmi uçotda mövcud olub. Daha sonra isə inventar sənədlərində dəyişikliklər edildiyi, bəzi məlumatların silindiyi və nəticədə dövlət əmlakının izinin itirildiyi ehtimal olunur. Bu isə hadisənin sadəcə texniki səhv deyil, sistemli şəkildə həyata keçirilmiş əməl ola biləcəyini gündəmə gətirir.

İlkin hesablamalar da diqqət çəkir. Belə ki, 7 ton əlvan metal 7000 kiloqram deməkdir. Orta bazar qiyməti ilə hesablandıqda (1 kiloqram ≈ 20 AZN) ümumi məbləğ təxminən 140 min manat edir. Bu isə dövlət büdcəsinə ciddi ziyan ehtimalı deməkdir.

Məsələ ilə bağlı aparılan araşdırmalar çərçivəsində Azərbaycan Dövlət Su Ehtiyatları Agentliyi üzrə baş mühəndis vəzifəsində çalışan Rəşad Borçiyev şübhəli şəxs qismində məsuliyyətə cəlb olunub. Hazırda onun fəaliyyəti və bu prosesdə rolu araşdırılır.

Qeyd edək ki, hadisənin birbaşa baş idarə səviyyəsində baş verdiyi iddia olunur. Bu isə məsələni daha da ciddiləşdirir. Çünki söhbət artıq lokal strukturdan deyil, mərkəzi idarəetmə sistemindən gedir.

Məlumatlara görə, araşdırma çərçivəsində:

• inventar sənədləri detallı şəkildə yoxlanılır

• maddi dəyərlərin hərəkət trayektoriyası araşdırılır

• mümkün digər iştirakçıların olub-olmaması müəyyən edilir

Baş verənlər fonunda rəhbərliyinin də nəzarət mexanizmləri sual altına düşür. Qurumun sədri Zaur Mikayılovun rəhbərlik etdiyi sistemdə belə bir hadisənin baş verməsi, daxili nəzarətin nə dərəcədə effektiv olması ilə bağlı ciddi suallar yaradır.

Hazırda fakt üzrə araşdırma davam edir. Məsələyə hüquqi qiymət istintaqın nəticəsindən sonra veriləcək.

Xüsusi.Tv

Prezidentin Tbilisidə rəsmi qarşılanma mərasimi keçirilir

admin — Mon, 06 Apr 2026 11:58:55 +0400

Aprelin 6-da Azərbaycan Respublikasının Prezidenti İlham Əliyevin Gürcüstanın paytaxtı Tbilisidə rəsmi qarşılanma mərasimi olub.

Prezident İlham Əliyevin şərəfinə fəxri qarovul dəstəsi düzülmüşdü.

Gürcüstan Prezidenti Mixeil Kavelaşvili Azərbaycan Respublikasının Prezidenti İlham Əliyevi qarşıladı.

Fəxri qarovul dəstəsinin rəisi Azərbaycan Prezidentinə raport verdi.

Azərbaycanın və Gürcüstanın Dövlət himnləri səsləndirildi.

Prezidentlər fəxri qarovul dəstəsinin qarşısından keçdilər.

Zeynal Bayramlı tibb sahəsində hansı xidmətlərinə görə TƏBİB-də müşavir təyin edildi - İLGİNC FAKTLAR...

admin — Mon, 06 Apr 2026 11:26:56 +0400

Şənbə günü yayılan məlumatlara görə Tibbi Ərazi Bölmələrini İdarəetmə Birliyinə (TƏBİB) yeni müşavir təyin edilib. Məlumata görə, icraçı direktor əvəzi Anar İsrafilovun müvafiq əmri ilə tanınmış həkim Zeynal Bayramlı müşavir vəzifəsinə təsdiqlənib.

Məlumatda qeyd edilir ki, Z.Bayramlı Tibb Universitetində təhsil alıb. Daha sonra Azərbaycan Prezidenti yanında Dövlət İdarəçilik Akademiyasının magistr pilləsini bitirib. O, Akademik Zərifə Əliyeva adına sahə xəstəxanasında baş həkim, Ucar RMX Publik Hüquqi Şəxsdə direktor, Sabunçu Tibb Mərkəzində direktor müavini, son olaraq özəl tibb müəssisələrindən birində tibbi məsələlər üzrə direktor işləyib.

Bir qrup Ucar sakininin hələ 2022-ci ildə mediaya ünvanladığı şikayət məktubunda bildirilir. “Ucar rayon Mərkəzi Xəstəxanası Publik Hüquqi Şəxsin direktoru Zeynal Bayramlının qanunsuz əməllərindən çox əziyyət çəkirik. Əslən Ağsu rayonundan olan Zeynal Bayramlı keçmiş Nəqliyyat naziri Ziya Məmmədovun qardaşı İldırım Məmmədovun kürəkəninin qardaşıdır. Məhz bu səbəbdən də Zeynal Bayramlı 2007-ci ildən Ucar rayon Mərkəzi Xəstəxanasına baş həkim vəzifəsinə təyin etdirilib. Bundan sonra Ucar sakinlərinin qara günləri başlayıb”.

Şikayətdə həmçinin qeyd edilir ki, xəstəxanada 200 manat qarşılığında qanunsuz şəkildə saxta bülletenler satılır: “Sağlam şəxslərə iş yerinə təqdim etmək üçün 200 manat qarşılığında 10 günlük bülleten verilir. Bunu anlamaq üçün xəstəxanada olan müşahidə kameralarını izləmək kifayət edir. Belə ki, bülleten almış şəxlər həmin vaxt nə xəstəxanaya gəliblər nə də müalicə olunublar. Stasionar müalicə olunan xəstələrə verilən yeməklər isə yararsız olduğu üçün evdən gətirilən yeməklərlə qidalanırlar. Əlil vətəndaşların bir çoxu dövlətin ayırdığı dərman pereparatları və tibbi ləvazimatlarla təmin olunmurlar”.

Ucar rayon Mərkəzi Xəstəxanasının baş həkimi olarkan Zeynal Bayramlı barədə mediada yayılan şikayətləri uzatmaq da olar. Mediada yazılanlara görə Zeynal Bayramlı 2005-ci il tarixdə müəmmalı şəkildə diplom əldə edən kimi qohumu, keçmiş nəqliyyat naziri Ziya Məmmədov onu Ucar rayon Qazıqumlaq xəstəxanasına baş həkimi, iki ildən sonra, 2007-ci ildə isə Ucar rayon Mərkəzi Xəstəxanasına baş həkim vəzifəsinə təyin etdirib. Səhiyyə Nazirliyində struktur dəyişiklikləri baş verdikdə, tibb müəssisələrinin TƏBİB -in tabeçiliyinə verilməsindən sonra da Zeynal Bayramlıya toxunan olmayıb. Bu heç də onun tibb ocağına yaxşı rəhbərlik etməsi ilə əlaqdar deyil. Bu onun arxasına duranlarla əlaqəlidir. Bir zaman Səhiyyə Nazirliyində onun arxasında duranlar indi də, TƏBİB-də durur.

Elektron media həmçinin yazıblar ki, Zeynal Bayramlının talançılıq yolu ilə əldə etdiyi varidat göz qamaşdırır. Təkcə Bakı şəhərində 12 yerdə bahalı mənzilləri var. Bakıda ağ şəhərdəki evi 550 000 (beş yüz əlli min) manata alıb.Novxanıdakı möhtəşəm bağ evinə 600.000 (altı yüz min) manat verib. Şamaxı, Quba, Göyçay və İsmayıllı rayonlarında möhtəşəm villalar inşa etdirib.Qohumu Ziya Məmmədovun ana vətənində Ucarın Qazıqumlaq kəndində böyük bir ev inşa etdirib. Ancaq hazırda Göyçay şəhərindəki evində yaşayır. Bakı şəhərində 18 yerdə ticarət obyektinə sahiblənən Zeynal Bayramlı ata yurdu olan Ağsuda özünə xüsusi klinika açmışdır. Ucar rayon xəstəxanasına aid bir çox bahalı tibb avadanlıqları və digə əşyalar ora aparılmışdır. Zeynal Bayramlının bahalı avtomobil xəstəsi olduğunu da yazırlar. Deyilənlərə görə onun kolleksiyasında aşağı qiyməti 100.000 manat olan 12 ədəd maşını var.

Göründüüy kimi çox da uzaqda olmayan bir tarixdə, bir -iki il əvvəl Ucar Mərkəzi Xəstəxanasının baş həkimi olmuş, barəsində çoxsaylı şikayətlər yayılmış Zeynal Bayramlıya TƏBİB-də müşavir vəzifəsi verilib. Rəsmi məlumatlara görə Zeynal Bayramlı 2011-ci ilin oktyabrından 2024-cü ilin iyun ayına qədər Ucar Mərkəzi Xəstəxanasının baş həkimi, direktoru olub. Ucar Mərkəzi Xəstəxanasının direktoru vəzifəsindən çıxarılmasının ən başlıca səbəblərindən biri rayon sakinlərinin yuxarı instansiyalara Zeynal Bayramlının əməlləri barədə etdikləri şikayətlər olub və mediada yayılanların heç biri təkzib edilməyib.

Belə olan halda Zeynal Bayramlı tibb sahəsində hansı xidmətlərinə görə belə yüksək vəzifəyə layiq görülüb. Görünür TƏBİB-in icraçı direktor əvəzi Anar İsrafilovun yüksək vəzifə verdiyi Zeynal Bayramlının keçmiş əməllərindən ya xəbəri olmayayıb, ya da hansısa gözəgörünməz qüvvənin burada əli var.

Aktualinfo.net