Federasiyanın mətbuat katibi Vüsalə Gözəlova da rəsmi nümayəndə heyətinin tərkibinə daxildir. O, kütləvi informasiya vasitələrinə verdiyi açıqlamada Azərbaycanı təmsil edəcək idmançılara uğurlar arzulayıb.

V.Gözəlovanın sözlərinə görə, milli komanda üzvləri yarışa ciddi hazırlaşıblar və ölkəni layiqincə təmsil edəcəklərinə böyük inam var.

Qeyd edək ki, dünya çempionatında müxtəlif ölkələrdən olan idmançıların iştirakı gözlənilir və yarışın yüksək rəqabət şəraitində keçəcəyi proqnozlaşdırılır.

Klub Misli Premyer Liqasının XXIII turu çərçivəsində “Araz-Naxçıvan”la keçiriləcək ev oyuna xanım azarkeşlər üçün girişin ödənişsiz olduğunu bəyan edib.

Qeyd edək ki, matç sabah saat 19:15-də Tofiq Bəhramov adına Respublika Stadionunda start götürəcək.

Həmin turda baş tutan “Qarabağ” – “Sabah” matçına görə bir sıra cəzalar verilsə də, qarşılaşmada olan dava barədə hansısa qərar qəbul edilməyib. 

Belə ki, həmin matçın sonlarında “Sabah”ın məşqçisi Valerio Zuddas “Qarabağ”ın ehtiyat oyunçular skamyasına qeyri-etik jest etmişdi. 

Nəticədə Ağdam klubunun  məşqçilər heyəti və ehtiyat oyunçuları qarşı tərəfə hücum çəkmişdi. Baş verən davaya görə isə matç 7-8 dəqiqə dayanmışdı. 

Maraqlıdır ki, əvvəlki matçlarda bu cür qeyri-etik jestlərə görə ağır cəzalar verilib. 

Əgər AFFA İntizam Komitəsi görüntü olmadığını iddia edirsə, bu da cəzanın olmaması üçün bəhanə deyil. 

“Sabah”ın baş məşqçisi Valdas Dambrauskas matçdan sonra bunu etiraf edib və qarşı tərəfdən üzr istəmişdi. 

Məsələ ilə bağlı AFFA İntizam Komitəsi ilə əlaqə saxlamağa çalışsaq da, zənglərimizə cavab verilmədi. 

“Qafqazinfo” 

Misli Premyer Liqasında XXII tura bu gün yekun vurulacaq.

Turun son oyun günündə iki qarşılaşma baş tutacaq.

Günün ilk matçında "Turan Tovuz" "Azersun Arena"da "İmişli"ni qəbul edəcək. "Turan Tovuz" hazırda 40 xalla üçüncü pillədə qərarlaşıb. 20 xala malik "İmişli" isə 9-cu yerdədir.

Turun mərkəzi qarşılaşmasında isə "Qarabağ" Tofiq Bəhramov adına Respublika Stadionunda "Sabah"la üz-üzə gələcək. "Sabah" 52 xalla turnir cədvəlinə başçılıq edir. İkinci pillədə yer alan "Qarabağ"ın isə 45 xalı var.

Misli Premyer Liqası

XXII tur

1 mart

16:30. "Turan Tovuz" – "İmişli"

Hakimlər: Fərid Hacıyev, Namiq Hüseynov, Rəhman İmami, Alik Yunusov

VAR: Əli Əliyev

AVAR: Elvin Bayramov

Hakim-inspektor: Ömər Paşayev

AFFA nümayəndəsi: Anar Şixəliyev

"Azersun Arena"

19:00. "Qarabağ" – "Sabah"

Hakimlər: Tural Qurbanov, Asiman Əzizli, Cəmil Quliyev, Əkbər Əhmədov

VAR: Elçin Məsiyev

AVAR: Müslüm Əliyev

Hakim-inspektor: Munis Abdullayev

AFFA nümayəndəsi: Emin Cəfərov

Tofiq Bəhramov adına Respublika Stadionu

Qeyd edək ki, turun daha əvvəl keçirilmiş matçlarında "Kəpəz" "Sumqayıt"ı (3:0), "Zirə" "Araz-Naxçıvan"ı (1:0) məğlub edib. "Neftçi" - "Şamaxı" (2:2) və "Qəbələ" - "Karvan-Yevlax" (1:1) görüşlərində isə qalib müəyyənləşməyib.

Son oyun günündə iki görüş keçiriləcək.

Əvvəlcə “İmişli” “Şamaxı”nı qəbul edəcək. Qubada keçiriləcək görüş saat 16:30-da başlayacaq. Komandaların ilk dövrədəki oyununda “Şamaxı” 1:0 hesabı ilə qalib gəlib.

Günün son oyununda isə “Sabah” “Kəpəz”i qəbul edəcək. Masazırda keçiriləcək oyunun start fiti saat 17:00-da veriləcək. Bu komandaların ilk dövrədəki qarşılaşmasında “Sabah” 3:1 hesablı qələbə qazanıb.

22 fevral (bazar)

14:30. “İmişli” – “Şamaxı”

Hakimlər: Rəşad Əhmədov, Asiman Əzizli, Kərim Zeynalov, Vüqar Həsənli

VAR: Rauf Cabarov

AVAR: Elşad Abdullayev

Quba OİK stadionu

17:00. “Sabah” – “Kəpəz”

Hakimlər: Əliyar Ağayev, Zeynal Zeynalov, Akif Əmirəli, Emin Əliyev

VAR: Əli Əliyev

AVAR: Kamran Bayramov

“Bank Respublika Arena”.

"Ayntraxt"ın müdafiəçisi Nataniel Braun karyerasını İngiltərə Premyer Liqasında davam etdirə bilər.

Trend xarici KİV-ə istinadən xəbər verir ki, "Mançester Siti" almaniyalı futbolçunu transfer etmək istəyir.

Məlumata görə, klub 22 yaşlı son cinah müdafiəçisinə 65 milyon avro qiymət qoyub. "Mançester Siti" bu məbləği ödəməyə razılaşsa, keçid baş tuta bilər.

Qeyd edək ki, "Ayntraxt" Nataniel Braunu 2024-cü ilin yanvarında "Nürnberq"dən 3 milyon avroya transfer edib. Almaniya millisinin üzvü bu mövsüm Frankfurt təmsilçisinin heyətində meydana çıxdığı 30 rəsmi matçda 3 qol və 6 məhsuldar ötürmə ilə yadda qalıb.

Azərbaycan Badminton Federasiyasında (ABF) baş katib vəzifəsinə yeni təyinat olub.

Federasiyanın mətbuat xidmətindən “Qafqazinfo”ya verilən məlumata görə, bu vəzifə Əjdər Cəfərova həvalə olunub.

Cəfərov Əjdər Xosrov oğlu daha öncə ABF prezidenti Taleh Ziyadovun idman məsələləri üzrə müşaviri vəzifəsini icra edib. O, idman funksioneri kimi zəngin karyeraya malikdir.

Əjdər Cəfərov 2011 – 2016-cı illərdə Azərbaycan Güləş Federasiyasının baş katibi vəzifəsində çalışıb. İdman ustası, əməkdar məşqçi və olimpiya kateqoriyalı beynəlxalq hakimdir.

O, üç Olimpiya Oyunlarında hakimlik edib:

2010 – Sinqapur Yeniyetmələrin Yay Olimpiya Oyunları

2012 – London Yay Olimpiya Oyunları

2014 – Nanjing Yeniyetmələrin Yay Olimpiya Oyunları

Uğurları və təltifləri:

2012-ci ildə Azərbaycan Respublikası Prezidentinin sərəncamı ilə “Tərəqqi” medalı ilə təltif olunub.

2012-ci ildə Dünya Güləş Birliyi (UWW) tərəfindən güləş qaydalarının dünyada təbliğinə görə yüksək mükafata layiq görülüb.

2015-ci ildə Azərbaycan Respublikası Prezidentinin Fəxri diplomu ilə təltif edilib.

2015-ci ildə Bakıda keçirilən I Avropa Oyunlarında güləş yarışlarının beynəlxalq koordinatoru vəzifəsini icra edib.

Əjdər Cəfərovun yerli və beynəlxalq idman tədbirlərinin təşkilində böyük təcrübəsi var.