İsmayıllının icra başçısı şokda: Anım Günü tədbiri ilə bağlı tender ləğv edildi - İLGİNC
İsmayıllı rayon İcra Hakimiyyətinin keçirmək istədiyi tenderin nəticəsi ləğv olunub.
Tribuna.az xəbər verir ki, qurum Zəfər günü, 12 dekabr-Ümummilli lider Heydər Əliyevin anım günü və dünya Azərbaycanlılarının Həmrəyliy günü ilə əlaqədar olaraq tədbirlərin təşkil edilməsi xidmətlərinin satın alınmasını reallaşdıra bilməyib.
Belə ki, İcra Hakimiyyəti bu tərbilərin keçirilməsi üçün tender elan edərək, 52 min 885 manat vəsait ayırıb. Lakin quruma nəzrət orqanının qərarı ilə nəticə ləğv edilib. AİİBNDA konkret olaraq başqa səbəb göstərməyib.
Bəzi məlumatlara görə, İsmayıllının icra başçısı Nahid Bağırov dövlət rəhbərliyinin etimadını qazana bilməyib. Son zamanlar onun verilən tapşırıqları vaxtında yerinə yetirə bilməməsinin buna səbəb olduğu deyilir.
Hətta rayonda dolaşan söhbətlərə görə, Nahid Bağırov ilin sonuna qədər vəzifəsindən gedəcək.
